Geverifieerde & Betroubare Selfsorg Akkommodasie in & rondom Mosselbaai

Glad nie - Hierdie webblad is die nuwe tuiste van die Facebook Groep "Vakansie Verblyf in Mosselbaai" - 'n Nuwe manier van adverteer,verifieer en selfhelp.  Akkommodasie soekers kan wel verblyf hier vind en die eienaars of agente direk skakel.

Elke geverifieerde adverteerder op die Facebook Groep, kry een gratis basiese plasing. Vir groter advertensies om meer verblyf soekers te bereik, is daar wel verskeie advertensie spasies en opsies beskikbaar teen 'n koste vir 'n tydperk van 7 dae, 30 dae of 'n volle jaar.

Baie eenvoudig - Indien jy 'n eiendom gevind het op die offisiele Facebook Groep "Vakansie Verblyf in Mosselbaai", kan jy kyk of die eiendom op hierdie webblad geplaas is. Indien jy hom hier vind, is die eiendom geverifieer en noukeurig deur ons Admin span goedgekeur d.m.v munisipale rekening van die eiendom om sy egtheid en ligging en identiteit van die eienaar te bevestig. 

Eiendomme word geverifieer en op die webblad geplaas, sodra ons die inligting wat ons verlang van die eienaar ten volle ontvang het. Sodra die inligting noukeurig nagegaan is en ons 100% seker is dat die verblyf en eienaar eg is, word die eiendom dadelik geplaas.

Ongelukkig is hierdie netwerk en platform slegs vir die Groter Mosselbaai Munisipaliteit Distrik en word slegs eiendomme binne hierdie spesifieke radius goedgekeur.